miércoles, 28 de julio de 2010

Tributo a ROSALIA DE CASTRO "Negra Sombra"


Cando penso que te fuches,
negra sombra que me asombras,
ó pé dos meus cabezales
tornas facéndome mofa. 

Cando maxino que es ida,
no mesmo sol te me amostras,
i eres a estrela que brila,
i eres o vento que zoa. 

Si cantan, es ti que cantas,
si choran, es ti que choras,
i es o marmurio do río
i es a noite i es a aurora. 

En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.

1 comentarios:

Little Bastard dijo...

Non a coñecia. ¡¡É xenial!! Esta vouna apuntar.

Pouca xente sabese expresar na nosa lingua como o facia Rosalia de Castro.